من لا يكمل بالفرايض

من بينكم ما فيه نسبة تساوي
خلك على شانك وخله على شان
لا تمزج سلوبين دون الحراوي
صدرتها للناس باشكال والوان
والذيب من كثر المعاناة عاوي
لولا وجود طويق وسواج وابان
ان كان راع الضان يصبح خلاوي
من لا يكمل بالفرايض والاركان
وش ميزته ما بين سارح وضاوي
بعض الهقاوي تقطع احساس الانسان
لو كان شفه مع بعيد الهقاوي
الارض من تحت المخاليق ميدان
والحظ لا ابن آدم من امر سماوي
احد قصر مده عن طوال الايمان
واحد عطاه الله ومده رهاوي
ما صابت الاهداف من غير نيشان
وكسب المعرفه ما تجي بالمناوي
تعدد الاوصاف والعز عنوان
ينبي عن اصحابه بكل النحاوي
كم صورة بانت على خير برهان
تطلع دلايلها بليا دعاوي
أحمد سعود الحمد - الزلفي