اشتر صداقة من يعزك ويغليك

ناظر بلحظات الشقاء من حواليك
يا كثرهم عندك ليا طاب جوّك
ويا قلّهم لا صار وقتك مجافيك
اترك صداقة من يغيظه علوّك
واشتر صداقة من يعزك ويغليك
ترى الردي غاية طموحه دنوّك
حذراك من راع الردى لا يخاويك
ما يعتلي قدرك بليتك ولوّك
وطيب الفعايل بين الاجواد تعليك
وكانه على طيب السجايا نموّك
عزيت نفسك واستعزت بنيخيك
وان هل في روض الجمالات نوّك
بين النشامى طاب ذكرك وطاريك
أشعل حطب مالك ويدفيك ضوّك
تراك لامن مت ما هو بمدفيك
وغضبك لا يسبق مجيه هدوّك
وجزاك لا يسبق مجيه تغاضيك
ولا تحسب انك باول العمر توّك
سهم القدر ما ينذرك قبل يرميك
الشاعر -
صالح محمد العنزي