شعب وقيادة

الخالق الرازق اللي عالي شانه
اللي له اسجد واسبح شكر وعبادة
واصوم واطوف حول البيت واركانه
القبلة البيت وارض الله سجادة
والدين الاسلام والدستور قرآنه
ونبينا محمد اللي نتبع ارشاده
من خالفوا مالهم ملة ولا خانة
شلت يد اللي رسم والنار ميعاده
الله يسلط على الطاغي بطغيانه
حنا نعرف الرسم والقصد وابعاده
ونتابع الناطق الرسمي بديوانه
في ظل ابو متعب اللي كلنا اولاده
صدقان صدقانه وعدوان عدوانه
الحاكم اللي يشب النار بازناده
اللي يصك العدو من بين حجانه
للمملكة تاج ووسامات وقلادة
يدوم عز الوطن ويعيش سكانه
والشعر عن سابقه مانزل اشداده
اجمل معانيه يرصدها بميزانه
شعري صديق صدوق بحزة امداده
حرينومس بمخلابه وجنحانه
واليا دعيته تقدم لي بجداده
جزل المعاني يقننها بنيشانه
مبروك لك يا وطنا شعب وقياده
في عودة اللي قوي بالله ايمانه
العاهل اللي براس القمة امجاده
عبدالله اللي يشوش الراس لاعلانه
أغلا ملك رغم عدوانه وحساده
والفضل في عودته لله سبحانه
حي الله اللي يعز الشعب وبلاده
حي الله اللي جميع الشعب صدقانه
حي الله اللي يعز الدين وافراده
حي الله اللي يعز ابناه واخوانه
يا مرحبا في زعيم هلت اعياده
يا قلب شعب السعودية وشريانه
ياقرة عيون كل الشعب وفواده
كبود شعبك على شوفتك عطشانة
في كل عيد تعايدنا ولك عاده
القلب الابيض يجي غيبه على لسانه
غيبتك هزت عمود البيت واوتاده
الله يحميه من سقفه لسيسانه
ما غبت غير لطبيب وفحص وعيادة
ظرف حكم والحكم لله سبحانه
طهور ياسيدي يا سيد السادة
ما باس والخير تستقبلك بيبانه
عودتك فرحة وطنك وغاية مراده
وشوفتك تبعد هموم الشعب واحزانه
يحفظك من رحمته تضفي على عباده
ويدوم عزك وعز الشعب واوطانه
وهق بن جازي آلكمي