وسّعت بيت الله من المسعى لحد المقام

يا خادم البيتين لك بالدّار كل احترام
أهل السعودية.. براياتٍ يشيلونها
الحمد لله.. جيت منصورٍ بدار السلام
الله يحفظكم.. وجعل الشر من دونها
الديرة اللي تفتخر بقدومكم ما تلام
لبست ثياب للولاء والعز.. بردونها
فزّوا لك أهل المملكة بالصدر قدر ومقام
حبٍ وتقديرٍ.. من رجال يمدونها
نرفع لك كفوف الفرح ونبادرك بالسلام
مشاعرٍ للشعب.. فاضت ما يخفونها
ما دامكم في خير حنا مثلكم بالتمام
نفرح بجيتكم.. بحزاتٍ يعدونها
عينك.. من التخطيط والتطوير لا ما تنام
أنتم هل الإصلاح بصروحٍ تشيدونها
وسعت بيت الله من المسعى لحد المقام
يدعوا لك الزوار.. بادوارٍ يشوفونها
حنا جنودٍ للوطن.. ضد المعادي كعام
أرواحنا ترخص دروب الموت ياطونها
لا كبرت القالات.. صرنا للمخرّب خزام
نذكر فعولٍ.. سجل التاريخ مضمونها
الله يجعلكم يا بو متعب.. على ما يرام
ماجور.. جعل العافية والأجر تلقونها
واختامها يا سيدي.. مني تحية سلام
الله يجزاكم.. بخير أعمال ترجونها
الشاعر: إبراهيم بن عبدالله العواجي -
وكيل ثانوية أم القرى بالرس