عودة الحاضر!!

طول هامتك بجلوسك وما أعلاك ويا كثر غيبات الجروح بتلاقيك!!

زف اليها يا موطن الخير واسقاك
نور سطع في ليل الأيام يضويك
حتى توضأ في طهارة نواياك
وانثال تسبيح المشاعر حواليك
بقدوم عبدالله سنا الخير يقراك
في وجنته سجادة النور تحويك
يا عزنا بحرام حجٍ تبناك
وسط المشاعر يصدح بصوت لبيك
أنت الشروق ومنبت الشمس ذكراك
وأنت الهطول وطلع الأعذاق يحكيك
شيخٍ حمل ضوّ التفاصيل خلاّك
تسبق كرم غيتك منابع روابيك
شيخٍ رسم مجدك على رمل صحراك
زيّن سنا صوتك وزيّن مباديك
سلّ الفعول بلمعة البرق واضواك
حتى غدا نورك يغطيّ حواليك
هذا مليك الخير باسمه حضنّاك
من قاصى أطرافك إلى أقرب موانيك
عبد الله اللي مزبن الكل بحماك
الله على دربك يحقق مساعيك
بالحب وسط قلوبنا لو رسمناك
ما نوفي الصورة أبد ما نوفّيك
ثقّلت في كف الموازين مبداك
حتى روت كل المبادي مباديك
لاجيت وين الحرف يوصف مزاياك
كل الحروف تجف لاهلّ طاريك
بحر الشرف قطره من بحور معناك
عز ومعاني شامخة في معانيك
المجد لا جيته خضع قال حياك
والطيب لا جيته غدا طوع أياديك
يا طول هامتك بجلوسك وما أعلاك
ويا كثر غيبات الجروح بتلاقيك
تفز خطوات الرجاجيل للقاك
وأن جيت تاقف لك جموعٍ تحييك
كم سيرةٍ فزّت تبي تسبق أخطاك
لقتك سابقها وعادت تهنيك
بقدوم خطواتك تصير ارضنا افلاك
وبالارض لو تمشي تطول بتساميك
مليكنا... حنا لك هناك وهناك
دون الألم نبني ذرا الحصن بيديك
مليكنا حنا على طول معناك
باروحنا من نبضها دوم نفديك
اليا لفحنا البرد كلٍ تغطّاك
واليا ظميت بدمنا الحب يرويك
فيك السنا صورة على كل شباك
لقلوب تحضنها وهي مولعه فيك!!