يارب تحفظ زعيم العرب

رجعتك سالم معافى غايت مناها
يا مرحبا يا زعيم العرب عبدالله
في دولتن بعد رب البيت تحماها
ارضيت شعبك عسى يرضى عليك الله
وطوايف الشعب لله ترفع يداها
وتدعوه وتقول يارب احفظه يالله
اللي حياته لخدمت شعبه افناها
من مدرسة من عسى الفردوس ماوله
عبدالعزيز الذي بالعدل رساها
من قبله الدار منفكه ومنحله
لين ابو تركي قبايل نجد خاواها
جاها من الكوت غازي والحدب سله
وله سيرتن دونت بالكتب نقراها
يوم الدليله غدا عن هيت ما داله
ورد على العاصمه واحتل مبناها
واسس لنا دولتن تحكم بشرع الله
وعقب رحل عقب ملوكن تولاها
وسعود كمل مسيره والعلم هله
وتواصلت سيرتن بالعز ممشاها
وجا فيصل اللي جميع العالم تجله
والشجره اللي غرسها ابوه نماها
وجا دور خالد وجانا الخير في حله
عم الجزيره من ادناها ليا اقصاها
ثم جا الفهد واستظل الشعب في ظله
وافتك جاره من الفتنه وطفاها
يومن الاوضاع هاك الحين مختله
قاد المسيره بحنكه لين سواها
وجانا ابو متعب عسانا كلنا فدله
والدار غنت طرب يوم السعد جاها
يارب تحفظ زعيم العرب عبدالله
وتديم دولت هل العوجا وتاقاها
الشاعر مطلق بن صالح الثبيتي -
الداهنة