منصور مروي الشاطري المطيري

نسل الشيوخ

والصبر واجب مع حدوث المصيبه
لو طالت ايام الفتى والليالي
يجيه فرّاق الحبيب وحبيبه
يموت الاقصى والرفيق الموالي
الآدمي للموت نفسه قريبه
وبعض البشر لو مات يا هملالي
لو ما بكوه الناس ما هي غريبه
بس المصيبه موت جزل الرجالي
نسل الشيوخ اللي تقود الكتيبه
مرحوم ياشيخ الوفاء والمعالي
لعل روحك فالجنان الرحيبه
يبكيك شيخ مرتكي للثقالي
مومن وصابر والمقدّر رضي به
ويبكونك اخوانه وكل العيالي
والوالده وأهل الصفات النجيبه
ويبكونك المرضى على كل حالي
اللي يعيشون بحياة صعيبه
وكم غالي يبكي على فراق غالي
راع الشيم نبكيه من شان طيبه
ولو خاطر المحزون ما هوب سالي
تعبير عن ما في ضميره يجيبه