ما ابيك تقول

شفت انا ما صار منك ولا أبيك تقول ليه
وحتى لو ودك تعذر لا متى وانته سببها
كانت الصدمة فظيعة واثرت فعلا عليه
بس أنا وياك ضعنا ولا احد منا كسبها
الخيانة جات منك وصارت بعيني قويه
والمصيبة المشاعر يوم ضحيت بغضبها
التفت خلفك وتلقى آخر دروب الخطيه
يوم أنا أعطيتك حياتي وأنت مع غيري سلبها
والله إني ما رضيت أكون في دربك ضحيه
بس غلطة دون مدري كني اللي مرتكبها
يا عذاب العمر (وخر) ما ورى قربك هنيه
قبل أعرفك ماشكيت النار واحرقني لهبها
انكشف سر الحقيقة وانتهت كل القضيه
وإن بغيت اعلوم غيري إنشد وتلقى عربها
ما بقى لك شيء عندي غير جرح القلب فيه
ولا بقى لي شي عندك غير ذكرايه وسبها وان
رضيت بكيف نفسك وان زعلت احسن شويه
وما اعتقد باقي حياة في ضميرك بحتسبها