عفوك ياولي

يصطلي وسط الحشا مثل جمرٍ يصطلي
أتعزم واتصبر ولا ادري وش يصير
واعرف ان الصبر طوله يزيد من زعلي
الليالي طبعها بالخلايق تستدير
والدهر يومين يوماً علي ويوم لي
يومن باللي مقدر من الحي القدير
أطلبه وارجيه وأقول عفوك ياولي
الموده كل ماقلت عنها أبا استخير
ردني للغي هاك الغزال الاكحلي
جادل بالزين ماله حلي ولا خشير
يوم أشوفه كل همي وضيقي ينجلي
والله اني يوم أشوفه قدم رجلي يحير
واهني اللي يحوشه نصيبه ياعلي
مانهاب الصعب لأجلة ولو وضعه خطير
حالف أني لأرهن الروح والمخرج ملي
عبيد نايف العتيبي
الجمش