الجنادرية في عيون شاعرة

كتبت الشاعرة السعودية الغريبة عدة قصائد عن مهرجان الجنادرية منذ ست عشرة سنة وهي فكرة جميلة وقد بعثت الينا بالنصوص كاملة واخترنا منها هذه القصيدة التي القتها ضمن فعاليات النشاط النسوي لجنادرية 16 الذي رعته صاحبة السمو الملكي الأميرة نوف بنت عبدالعزيز حيث قالت الشاعرة:
بديت باسم اللي له الكاف والنون
باسمه بديت القاف وفيه انتهي به
من الف واربعمائة وخمسه لنا لون
انقدم الإبداع بهمّه عجيبه
نبغى يسابق ركبنا ركب هالكون
نبغى نتباهى بالفنون الرحيبه
جا دورنا نعطي وناخذ على الهون
موروثنا التاريخ دوم يحكي به
حنا مشينا الدرب ومن ربنا العون
والله يعين اللي رجاه ويجيبه
بالدعم والاصرار مايصعب يهون
والمستحيل يهون لاجل الحبيبه
دار الفخر والجود خدّا مها نكون
بقيادة اللي ماتكوده صعيبه
فهد زعيم للوطن دايم يصون
قايد محنك ويل من هو حريبه
ومعه ولي العهد بالعهد مضمون
لاثارت الهيجات يطفي لهيبه
والنايب الثاني له الخلق يثنون
ونعم يا ابو خالد لك الطيب هيبه
في مهرجان الخير نطرب مع لحون
نفرح بعرس الدار ماهي غريبه
ولا مانتجاهل من على ارواحنا تمون
بنت المليك اللي ملا الكون طيبه
بنت الذي سيفه على الشر مسنون
اللي يذيق عداه مر الغليبه
نوف على درب المعالي لها فنون
ونوف على راس الحفل تعتلي به
حضورها الفاعل به الناس يدرون
ومنطوقها بلسم وحرفه طبيبه
بكل المحافل والنسا جالهن شوون
بالفن والابداع هي تعتني به
وفي كل عام ابداعنا بزود مصيون
لو يصعب الابداع غصب نجي به
جينا نشارك والفرح شي مسنون
جينا نحقق كل اماني عصيبه
وجينا نرحب مرحبا الف مليون
بوجودكم كل المشاعر قريبه