السلام عليكم ورحمته وبركاته رداً على ماجاء في العدد الصادر في 15 شوال 1421ه الموافق 10 يناير كانون الثاني 2001 العدد 10331 بشأن ماجاء في رسالة استفسار للاخت نجود العتيبي وسؤالها عن قائل كل من الابيات نفيدكم بان الابيات للشاعر عبداللطيف غلسان وها انا ارسل لكم كامل الابيات الاولى التي اشارت لهم الاخت نجود. اما البيت الاخير فهو للشاعر نفسه ولكن لايحضرني منها شيء وسوف ابحث عنها وارسلها كاملة. وحسب علمي من المقربين للشاعر بانه بصدد الانتهاء من طباعة ديوان مسموع سينزل الاسواق قريباً هذا ما اريد توضيحه وتقبل تحياتي. وهذا نص القصيدة: سجة بظل الجال انا اللي لامتطى صهوة جواده شاح مسراحه بحياتٍ حلوها رشف المرار بقاعة الفنجال اجيب الراي من عود عجز كفه لمسباحه يازين الشور من شايب على المركوع شفته مال ومادام ان العمر فاني واخلي خلفي مراحه ابدفن عبرتي داخل مشاويره بسجة بال عهد يا الشعر غير اشرب قراح الجزل بالراحه ابروي من الزلال اللي ترك جدي بظل الجال هي الوحده من الثنتين يتوب او صرت ذباحه ترى اللي ظاميٍ وده نشف عرقه وماك احثال ابكتب يا الشعر حرفٍ عسيرٍ يتعب انطاحه واعسف القاف والمعنى عقب جدٍ وطيبت خال قصيدي ياهلا خذها وخذ ليلي ومسباحه هلا خطوه بها هيبه وخطوه جابها يختال اذا ها العمر له كبوه جوادي ما اكثر طياحه وانوخ غبني بصدري واشد القيد عقب اعقال كفو يا الهم تذبحني شقي وادور الراحه اشوف انت الوحيد اللي مع العالم لقى المدهال وزمانٍ التفت يمي وطاني والخفى باحه وجرت بعيوني الدمعة قبل لايكمل الموال عيسى بشير العنزي
