عساه مع الأبرار

في رثاء المرحوم ان شاء الله الأخ عبدالرحمن بن محمد المنيف:
الموت حق,, وكل ما يجري أقدار
ودنيا الفنا ما أحد يدوم من أهلها
يقوله اللي ذاق من كاس الأمرار
على اللي فراقه عيوني ذهلها
أبو محمد عقب ما غادر الدار
الحزن من لحظة خروجه دخلها
ذاك الحبيب اللي مع الأهل والجار
له سيرة بالطيب ما أحدٍ جهلها
خبر وفاته سيل الدمع مدرار
ونفسي عن شعور المسره عزلها
الفكر تاه وأصبح العقل محتار
ما أحد يرد الروح لي جا أجلها
يالله يا للي لأهل الخير غفار
لا تحرمه جنات عدنٍ سألها
عساه في الظل الظليل مع الأبرار
يوم البشر تجمع ويحصى عملها
وأجبر عزا أحبابه صغار وكبار
ياللي جميع الناس فضلك شملها
وصلاة ربي عد ما هلت أمطار
على شفيع الخلق ماحي جهلها