خل المشاعر طامحه

قبل امس انا وانته نجول بوسط ميدان الغرام
انحط به حمل الوعود اللي وفاي يشيلها
واليوم انا وحدي وغيري مهتني بك ياسلام
محبتك ماهيب لي وانا بعد ماني لها
محبتن ماهي على وضح النقا والاحترام
عيبن علي ارضا بها واسعى لها واجيلها
واللي بدا تحت الظلام ابينتهي تحت الظلام
هاذي حقيقه والحقايق ماعرف تبديلها
طاروق حبي مبتداه يقول لك الدرب شام
دنياي من سبة فعولك نافضه شليلها
ماعاد انا حمل الوعود اللي يطرزها الكلام
قلبي دخيل الله على نفسن تعنّا حيلها
العام راح ومانبي يمضي على هالعام عام
الله ولا ذل النفوس اللي تجرّع ويلها
لا شك حبك ما يموت الا ان حبك فيّ نام
نومة هل الكهف الطويله (آه مطول ليلها)
دنياك حطتنا على درب التجافي والخصام
نمشي على تأويلها لو افترى تأويلها
ركب المفارق صاح لك يلّه نبا منك الهمام
خلّ المشاعر طامحه لا تعترض سبيلها