وين عيدت؟

غديت لك,, بين الملايين نشاد
اعتدت اشوفك كل عيد,, وتعودت
واعتاد شوقي كل ما جيت,, ينقاد
وش فرحتي,, بالعيد لا منك ابعدت
وش فرحتي,, لازدتي بعاد ببعاد
العام وعدك,, هالسنة وين ما عدت؟
عساه,, باقي في لياليك وقاد
عيون تحضن صورتك,, كل ما همت
وبلاد,, ما لي من بعد صدك بلاد
يا ما شديت,, وفي محانيك غردت
لحن الوله,, في خافقي صمت وعناد
شفني يمينك,, واليسار ان تلفت
وبكل درب,, صرت لك فيه ميعاد
وش حيلتي,, إن عود العيد ما عدت
وش حيلتي,, كل الصبر فيك ما فاد
كلي سؤال,, لعالمك من تغيبت
متى يصير لفرحتي فيك ميلاد؟
ارد وانشد صورتك,, وين عيدت؟
غديت لك,, بين الملايين نشاد
نايف زويد المطيري
الرياض