شاعر وأكثر من صورة

عسى القصيد إن ما زرع بين الألباب
دهشة.. وحرك قلب.. وأطلق حجاجه
يموت في مهده قبل شقة الناب
ويحرق فتيله.. ثم يكسر سراجه
***
نفاق
وقت السعة يا كثر الأصحاب حولي
ووقت الشدايد لا حبايب ولا أصحاب
وحيد أقيس الهم عرضي وطولي
من سفح مرقابٍ على راس مرقاب
***
مواري
يا ليتني لا طحت لا طحت لا طحت
ما أطيح عند اللي تمنى مطيحي
اللي بوجهه عن فؤاده تصفحت
لو كان لي في غايته ما يبيحي
***
أقسى ثلاث
ما فيه علة ما لها طب وعلاج
إلاّ ثلاث ما لهن طب لله
ولا أعرف لهن مبدأ وسيرة ومنهاج
المسكنة.. والمهزلة.. والمذلة