نماذج «شعبية» فصيحة المعنى

يطيح جفن الليل وأهز كتفه
شمعٍ يفزّ وباقي الليل مطفي
وأحاكي الجدران عن وصف غرفه
ما تشبه الجدران ويطول وصفي
وتملني الجدران وأظهر لشرفه
تحت السما وأسكّر الباب خلفي
بدر بن عبدالمحسن
إذا ما اشتقت في الغربه...
قل: الذكرى طحين الوقت
وأخبز من تبي قربه
فهد عافت
فكرت اعلق صورك ومالت الفيّه على جدار
وتخاصمت يا حبيبي كل جدراني عليها
قلت اكسب احلام غرفه باختياري وأخسرالدار
ويكفّي الدار يا رجواي بوح صورْك فيها
نايف صقر
لا تكسر الود... يجرح راحتي جمعه
يكفيك جرح الحشا... لا تجرح يديني
أدور أنا وأنت... مثل السبت والجمعه
يا قربنا... والصحيح إنا بعيديني
مساعد الرشيدي
كانت الساعة جفافي يوم قمت بتسري
كانت اللحظة سحابة تبتعد عن ظامي
كل عرق تحت جلدي...صاح: بدري، بدري
ما وعيت إلا غيابك ينهمر قدامي
محمد الخضيري
يوم ضاقت...صحت: وينك يا الفرج؟!
قال: جيت...وشفت حولك ألف صاحب
وخفت أسبب لك حرج..!!
صالح الشادي
في غيبتك يا كم تمنيت موتك
أقل شي أرتاح وأعرف مكانك
فهد المساعد