طفلة لا تذبل!

أيا بعد قلبي وناسي وبيتي
عذراً على اللي من جفاي احتملتي!
من حظي إنك ما رحلتي / بقيتي
ما أبغى أحس بقيمتك لا رحلتي
لأني أعرفك كثر ما أنتي نسيتي...
...اللي من حمول المحبة حملتي
كثر ما كنت أضايقك..ما شكيتي
كثر ما كنت أغيب عنّك..سألتي
كثر ما كنت أخون قلبك..وفيتي
كثر ما كنت أقطع وصالك..وصلتي
قلبك بعشر قلوب لا من هويتي
وعقلك بعشر عقول لا من جهلتي
مشاعرك حلوة ليا من رضيتي
وتبقى حلاوتها ليا من زعلتي
صمتك حكاية..كيف لا من حكيتي؟!
وطيشك ثقل..وشلون لا من ثقلتي؟!
أجود من غيوم المطر لا عطيتي
وأجود من يدين العطا لو بخلتي
طفلة يمر العمر بك ما انتهيتي
وتذبل أحاسيس الشعر ما ذبلتي!