مساعد

اليوم راح اللي مسمى مساعد
اسمٍ على مسماه مبطى موثق
قضّى سنينه في حياته يساعد
أما لمسح دموع وإلا يتصدق
يقرب من المحتاج ماهو مباعد
وعن دنيته قلبه بربه تعلق
الزاهد اللي لو مضى العمر قاعد
له وقفةٍ بالخير فيها تعمق
يوفي مع المسكين يومه يواعد
كن اليتاما عياله ليا ترفق
من ساعده تغار كل السواعد
على المعزة تجمع ولا تفرق
له قاعدة بالفعل غير القواعد
افعل واسكت مايجوز اتشدق
حلمه رضا الله والدعا منه صاعد
يالله عسى حلمه يارب يتحقق
مستقبل المسلم من الله واعد
في جنةٍ كل خير فيها تدفق
كل غالي ليا مات لا ما يباعد
يقرب لو إنّا وقتها مانصدق
في جنتك يارب احفظ مساعد
عبدك ولك صلى وصام وتصدق
شاعر سعودي