على البال

حرّك مشاعر هاجس الشوق الأمثال
شوقٍ حوى التعبير في محتوينه
وتعبيره أبلغ في معانيه لو طال
صبرٍ تجاوز ما يكنه كنينه
هذا وهو طول الليالي على البال
ولا فيه حاجزٍ بين روحي وبينه
مشاعري له بالأحاسيس تختال
وإحساس قلبي له يجي قبل حينه
قلبٍ لهاجس صادق الشوق مدهال
يكن له صافي.. غلاه وثمينه
وأصدق معاني للوفا فيه تنقال
عهد الوفا بالود متعاهدينه
مثل العلوم الوافية قول.. وأفعال
تبقى علاقتها المتينه.. متينه
وأنا تربع في خفوقي ولا زال
يبني مشاريع الغلا في سنينه
للي غلاه يفوق تعبير الأمثال
وشعور قلبي له يجي قبل حينه
فتاة نجد - شاعر سعودية