قصة مجنونة

تعال نجنن العالم.. بقصة عشق مجنونه
ما مرت ولا بالحلم... على قلبين عشقانه
تعال ندرّس العشاق... معنى الحب وفنونه
ودنيا عشق ما فيها... ولا أي لحظة خيانه
وكيف الفرحة والضحكات... وكلام ما يعرفونه
وطير الحب ياخذنا... لدنيا غير بجنحانه
وعن عاشق اذا اشتاق... يضيع وينخطف لونه
وكن الدمع فعيونه... يهل حروف ولهانه
يدري بي أحبه موت... وأنا ما عيش من دونه
يحبني موت وانا احبه... بكل عيوبه وجنانه
يبغاني أنا بالذات... وكل الناس مركونه
يحط العالم ف"خانة"... وانا وياه في خانه
الا من مر قدامي... وشفت الناس يبغونه
يرضي غروري يوم أنه... بكيفه سلّم عنانه
وقلب بالغلا ينبض.. أبد ما تخونه ظنونه
وعلى ما قالت الامثال... كتاب وبان عنوانه
من الآخر يصير الشوف... فعيوني وانا عيونه
لان الحكي بعيونه... كلام ابلغ من لسانه