أنت واحد

ربي الشاهد... وبالواحد أحد
ان حبك ما وصل حده أحد
أنت واحد ما أنت من جملة عدد
أنت ميلادي... وتاريخ انولد
يا صفا الدنيا... ويا طهر الملاك
يا أطيب قلوب البشر... وأنظف بعد
أنسى كل الناس... أنت الناس لي
بيتك العالم... واحضانك بلد
اسكن ف"عيني"ترى عيوني تغار
ليلها في غيبتك دمع وسهد
لو أدور أديار من دارٍ لدار
واعرف المولود واللّي ما انولد
ما مثل مثلك... فريد في الديار
خلق وخليقه... ما خلق مثلك ابد
هات يدّك لك أبايع يا ملك
يا ملك سلطان قلبي لك عهد
إنك الواحد ولا غيرك أحد
أنت واحد وانت فردي والعدد