بين شطرين

وان صدفت الموت سلم لي عليه
واعرف اني ذاكره.. لو هو نساني
رافضٍ هالموت يبسط لي يديه
قال: ما افني شاعرٍ مولود فاني
تركي حمدان
بقص لك قصة قصيرة ونامي
عن بنت كانت تسكن بقلب رجّال
فجأة سرقها منه واحد حرامي
اسمه فراق... وشغلته قتل الآمال
فهد المساعد
أنا اشهد إنك أطعم الخلق سكر
هذا وأنا ماذقت في يوم سكرك
نوب تطول بعيني... ونوب تكبر
ونوبٍ تحط بخاطري شي وأشكرك
خلف الخلف
«الجرح» يعطش؟ وأنا الأوجاع تنزفني؟!
ما يعطش الجرح دام الساقي أوجاعي
هذي «ذراعي» إذا حبيت تخطفني
تحضن ذراعي... أو انك تلوي ذراعي!
عبدالله الكايد
علامك، علامك ساكتة ليه ما تحكين؟!
تبين أبتدي؟! حاضر، على أمرك، براحة بال
على نفس هذي الطاولة من ثلاث سنين
رمت بنت دبلتها الذهب... وانكسر رجّال
فهد عافت
يا عمري... والشتا ليله طويل يكدر المحزون
على شاني ولو ما فيك برد... الحق تدفى بي
ذبحك البعد يبست من مطالع ه.. الغياب عيون
قسم بالله.. من لحظة وداعك الله أدرى بي
عقاب الربع