الفتون

الفتون اللي رمى قلبي خطرها=واستحلّت مركزه غصبٍ عليه
فتنةٍ تمشي وانا اول من حضرها=حظي المقرود دايم مقتفيه
جسمها يوم خطمت مدري نحرها=لمعة الألماس لو جاها.. يتيه
مختلط مع زينها صفوة حمرها=حظ من هو حط يدها في يديه
تقهر الليل المظلّم في شعرها=لا نتثر والعطر ريحه محتويه
لمعته لاصادف اللمبه قهرها=كن جمرات الغضى تشتب فيه
الله اكبر يوم سلهم لي نظرها=سهم سالم وسط قلبي مبتليه
منوة اللي عنده المال وقدرها=يبذله من شان يكسبها .. تجيه
يمتلكها ماحسب قيمة مهرها=اشهد انه داعيٍ له .. والديه
والله انه يرجع اسنين بشهرها =خص لاصارت بعد مثله تبيه