رواية

البرد.. قصّة فراق الشمس عن ليلك=والليل.. غصّة حروف العاشق المبلي
والهم .. حلمٍ ثقيل شال قنديلك=واخذ يديني وانا طاوعت من جهلي
والشعر.. دمع القلوب بحظن منديلك=اقري (عذاب الرجال) ان حرّكك ل اجلي
وانتي .. (رواية ابوك) لجيلي وجيلك=محدٍ تحمّل فصول (التضحيه) قبلي
حاولت الآقي لي (الإهداء) وآجيلك=قريت باول سطر..(من سهمها قتلي)!!
واكبر (مصيبه) يديني يوم (تقفيلك)=ثارت علي وتوجّه (للنحر) نبلي
واليوم (واقف) على رجواك وآخيلك=أسأل (طيور المسافه) وينها (عبْلي)؟!
لو ناويه (بالجفا) ماظن ب ادعيلك=إلا (بسكّه) نهايتها على (وصلي)
وان كان حلمك (عيون الشوق) تبكيلك=انا (السحايب) خذت (من رحمتي) وبلي!!
قالت (دموعك) قصيده خطّها ويلك=ودّي اهز الصحاري قبل ما تغلي
أرجوك حيلي (تقطّع) وانتي (بحيلك)=عقّدْتي الحلم فيني وانعقد حبلي
تعالي البرد (شقّق) ليلي وليلك=و(الشوق) بلّل حروف العاشق المبلي
هذي (الروايه) بدون (احساس قنديلك)=خمسة (فصولٍ) تغرّب بينها(فصلي)!!!