شفت الغزال الجميل اللي ربى بالدلال=اليوم عقب المعزة والغلا ...هاوشوه مرت سنينه ألم ...يضحك لصخب العيال =كل ما تعثر بكلمة صاح ينده ...لبوه! يصبر عشان الليالي ...ما تحطه سؤال=في قول ..قال النبي والله ...بعد هددوه! شفته بعينك وحيد القلب عاف الجدال =يستصغر الهرج بالتوضيح لين اسألوه كان الضياء ملبسه والنور ربطه وشال =وعين الرضا تحرسه وش عاد لو عاندوه الله يرحم ليال البوح ويّاالنضال =يوم السما تحضنه ...وبجوها يرقبوه! يطير يفرد جناح الحرف ويا الجمال=مرتاح حريته بيده ولا ياصلوه! غرد طرب ..وانتقد ..غرد وغنى ومال=وصفق له اللي يعّرفه واللي ما يعرفوه وشفت الفرح لو يدوم نقول ..مايوم طال =منهو اكتفى من هناه وفرحته..حاسبوه! هدت سماه الليالي والسعد منه زال =وعرف خساير حياته بعد ..ما كتفوه! هو لاذ بالصمت والا الصمت شد الحبال=وكل ٍ تدخل بعمره ..كلهم شاركوه!! دامت لياليه في فكره ونيضه نبال =يستصرخ العون يستنجد ولا يعتقوه! ترك حياته بأمر الله جل الجلال =حتى الأمل مايهمه وش بقى ماخذوه! يمضي به الوقت حرفٍ ماسكن في مقال =من يوم طاحت سماه الحرف ذاك اشطبوه ويدفن كبير الألم لاشافهم باختيال=ورود مثل الندى وبحبهم حوطوه! قالت وقال القصص كلها خيال بخيال =منهو يصدق يطير الحرف والا امسكوه؟! صرت ابتسم للسما .. وادعي لذاك الظلال=اللي يشيل الزعل عن خاطري لاكسروه وعشت الدلال الذي ماصار مثله دلال =واليوم كل ما يفز الحرف ..بي هاوشوه
