بالبلدي.. مشروع مستقل

لما الواحد فينا يبغا يبدا بمشروع مستقل
عشان نحقق طُموح معين ونبدع في عمل
لازم نبعد عن صفة الإنسان المستعجل
حكاية انه كل شي في يومين نتائجه تكمل
دي طريقة مارح تنفع ولازم بالنا نطول…
إلا لو كان هدفنا للمستوى العادي نوصل
مايمنع وقتها انه ندور على الطريق السهل
ومايضُر كمان نضيف في الأمور بعض العجل
المهم توازُنّا بسبب دا الإستعجال مايختل…
لكن لوكنا نبغا نتائج ممتازة لازم على مهل نخطط ونطبق كل خطوة بدون اي ملل نفكر ونتأنى نجتهد ونتسلح بالصبر والأمل ونحدد بوضوح هدف واحد نبغا لُه نوصل مانحط كم هدف وبعدين نقول فين الخلل !
التشتت يوصِل لنتيجة وحدة بس هي الفشل
والتركيز هو مفتاح النجاح والتميز في العمل لأنه طاقتنا رح تكون في هدف واحد محتمل والفرص حتزيد كدا والصعوبات أكيد رح تقِل والي كِنّا نتمناه لا بد أن شاء الله وقتها يحصل.