(دروع المملكة)

قالو غلا البنزين وأسعارناا نار
ماعاد يكفي راتبك يالسعودي
قلت أحمد الله هرجكم زادنا إصرار
بأمان وأمن وعزنا في سنودي
وش عاد لو تنقص لنا كل الأسعار
ونعيش بالذله ودبل الكبودي
الله يزيد السعر مادامنا أحرار
والله يبارك في عريب الجدودي
حقاً لنا نفخر ولو صار ماصار
ما زعزع الهمه عميل اليهودي
هرج العدو لو نسمعه نعطي إنذار
ولا هزنا الواشي وهرج الحقودي
من بيننا ماعاش خاين وغدار
أخوان عشنا من صعود بصعودي
والقلب يا سلمان عاهدك مختار
شعبك ولو تأمر يجونك حشودي
لأمرك نلبي كلنا صغار وكبار
يمناك عزم وبالشمال الصمودي
حنا دروع المملكه حصن وستار
الجيش واللي في المنازل جنودي
كل الولا والسمع لك سر وجهار
وأن قلت زاد السعر قلنا يزودي