الفخامه اللي في قصر اليمامه

محمد بن حسين


الفخامه اللي في قصر اليمامه
مثلها ما شفنا با الدنيا فخامه
قبل ما توصل لبابه العود فايح
محتفل برجال دولتنا النشامى
في رواق القصر للحاكم مواقف
مثبته باالحرف من حضرة مقامه
كل يوم اثنين يجمعهم ملكنا
لجل تبقى المملكه بخير وسلامه
الله يحفظهم لنا من كل عارض
ويبقى كل مسؤول بارع في مهامه
وتبقى دولتنا بآل سعود دوله
مثل ماهي بخير وبعز وكرامه
للوطن بقلوبنا من قبل نولد
حب فوق الحب من زود احترامه
حطنا فوق القمر من زود حبه
لين صرنا بعين ها العالم علامه
الوطن ماهو مجرد إسم عادي
الوطن عمران برجاله الشهامه
كلنا من خيره صرنا في سعاده
ما تفارقنا وربي الابتسامه
الوطن قصة ملك ماهو ب عادي
اعطا كل المملكة جل اهتمامه
موحد الدوله أبو تركي المفدا
البطل تاج العلا ساس الزعامه
الوطن أقسم بربي حيل غالي
نعشقه ونموت با الحيل بغرامه
ما نحس با الراحه إلا فوق ارضه
للمواطن دار مأمون ودعامه
نشكر المولى على حاكم بلدنا
الملك ابن الملك ريف اليتامى
قاد دولتنا بكل صدق وامانه
وصرنا فوق المجد بل ذروة سنامه
الوطن أغلى هديه لكل مسلم
فيه بيت الله طريق الاستقامه
والمدينة مثوى سيدنا محمد
المشفع بأمته يوم القيامه