تخيل كده واحد من اللى كانوا واقفين ف مظاهرة فرنسا حاطط بادج ( انا شريف كواشى) اسم احد الارهابيين اللى قتلوا الصحفيين؟! ياترى الجموع اللى كانت واقفة ساعتها كانت هتعتبرها برضه ( حرية تعبير ) ؟؟ اشك !! و مش بعيد كانوا ضربوه لما موتوه !! عشان حرية التعبير بتاعتهم بتقف عند اللى يسيئ ليهم هما بس !! ينفع ارسم حاجة تهين الصهاينة ؟ هيقولوا ضد السامية ! ينفع اهاجم مظاهرة للشواذ ف بلادهم ؟ هيقولوا تعصب و تحيز و تخلف ! لكن ينفع العرب يموتوا كل يوم على ايد الارهاب ؟ اه ينفع ....دى معارضة !!! طب ينفع انتو تستمروا ف الاساءة لمقداستنا ؟ اه طبعااا ينفع ..اصل دى بالذااات ( حرية تعبير ) !! عموما منطقى و على رأى الجخ منطقى لما يبقوا المسلمين حالهم كدا تطلع ضوافر للعِدا هما مش قاصدين يهينوا المصطفى بحبة صور هما عارفين إن سَيِّدنا النبى سيد البشر هما قاصدينك و قاصدينِّى و قاصدين كل جيلنا و طول ما بِنْكَسِّلْ و نتفرَّق لسه ياما راح يجيلنا أما سيدنا النبى ربه كافيه يستهزقوا مِنِّنا إحنا أما هو رَبُّه صاينه و مصطفيه لو كانوا حضروه كانوا عرفوا يرسموه كانوا هيسموه بعدله و بسماحته و بهدوئه كانوا شافوا إن الصحابه بتلحق الميه اللى نازله من وضوئه لو كانوا لحقوه كانوا عرفوا يرسموه إحنا اللى ما رسمناش نبينا فى العيون إحنا اللى فهمناهم إن الدين بتاعنا لا فيه علوم ولا فيه عمل ولا فيه أدب ولا فيه فنون اتلهينا باحنا كنا و احنا كنا و احنا كنا ونمنا .. فى اللى راح يكون !! اللهم صلى و سلم و بارك عليك يا حبيبي يا رسول الله اعلامية بالتلفزيون المصري
