(لذة منامي)

ولأول مرة كذالك، تشاركنا في (ملامح صبح) الأخت الشاعرة حمدونه ( عطر ) ، أقرأوها والحكم لكم..
أفز من لذة منامي وأناديك
من عقب حلمٍ جيتني فيه زاير
ومن عقب ماكانت عيوني تراعيك
في غيبتك شفها تهل العباير
ياولف قلي واشهو ارضاك وأرضيك
ياللي فراقك عندي أكبر خساير
يفداك من حبك ومن لايدانيك
ويفداك يالغالي شيوخ وعشاير
كانت يديني في يدينك وأحاكيك
واليوم حظي في مقابلك جاير
قالوا يجيك من العرب شيخ يشريك
إنسي وكُفّي عن كثير الحساير
وإن طعتهم بنساك صعبٍ تناسيك
حتى لو إني منك ذقت العزاير
وببقى أحبك لو تكابرت وأغليك
وإن جيت ابفرش لك ورود وحراير