(الصواري )

لأول مرة تشاركنا الشاعرة ديمه عبدالله من خلال هذا النص ( الصواري ) والذي خصت به( ملامح صبح )،أقرأوها ولكم الحكم..
استراح الجاش من بعض الطواري
يوم شفته وانجلى الضيق وعتامه
الجفا كفه مثل كف الضواري
والوصل كفه مثل كف الغمامه
كنت اعيش الوقت والغربه ذواري
طيّرت حلم(ن) سكن ب ارض اليمامه
وأصبحت تجري على الفرْح وتواري
فرحة ترسم على الوجه ابتسامه
عشت أكابد ب الفكر حرب الصواري
ب الهواجس يومها قامت قيامه
بين رمح الشوق يتصاعد حواري
وبين نبل(ن) ماسلم قلبي سهامه
كنت أشوف الصبر منزوع المواري
وانه ابعد من ثرى نجد لتهامه
لين ماحل الفرج وقت الدواري
وشالت الدنيا عن الخرمس لثامه
لاحت الشمس وغدى خلي جواري
بعد ما شيخ الجفا غيّر كلامه
والحروف اللي مضت دونه عواري
جا يلبسها اللقا ب ايد السلامه