بلسم جروح القلب

آمر. ونا في كل شيء اطيعك=إلاَّ إذا امرتني اتناساك
ما يصير ولقد صار اني عصيتك=إلا بهذا الامر لا شك بعصاك
حتى ولو قلت ابتعد عن طريقك=ببعد بجسمي وتفضل الروح وياك
لو في منا في احلم اني نسيتك=وريد قلبي اقطعه لجل عيناك
تشرق حياتي شمسها من جبينك=وتمسي بلا معنى حياتي بليّاك
بلسم جروح القلب لمست يدينك=ودنياي جنتها ابتسامة ثناياك
يا ليتني لك ابن عم او قريبك=عشان احظى كل ساعة برؤياك
وليت القدر يجمع مصيري بمصيرك=وعلى الشريعة يجمع الشمل ويّاك