أغلى أم

من القصائد الجديدة للأمير الشاعر فيصل بن خالد بن سلطان قصيدة
سموه " أغلى أم " والتي يجسد من خلالها مشاعر الابن البار تجاه والدته الغالية وفيها يقول :
انتي فرح عمري اذا صابني هم=وانا فرح عمرك اذا صابك هموم
يا اعظم وأغلى أُم ..يا رمز للأُم=غلاك يكبر ..يوم عن يوم عن يوم
انتي حنانٍ ما بعد خِلْق أو ضم=انتي مواعيد الدفا ..لذّة النوم
تعطين يا نبع الوفا والصفا ..كم=يوم السهر في راحتي صار لك دوم
عطاي نقطة ..في نهر مدك الْيم=بدعوه ..أمامي عمري تصير مقسوم
وشلون أوصّف والمشاعر بلا فم=ياليت تقصيري معك ..ينفعه لوم
شْوقي ونبضي والأحاسيس والدم=والله ل شيلك قَدِرْ واحْفظْك وآقوم
يا سلوة الخاطر ..اذا صابني هم=دايم عسى ما يشتكي قلبك هموم