( تكبيرة العيد )

نص للشاعر الجميل رشيد العميري والذي يعد من الشعراء المهمين الذين لم يحظوا بالانصاف المأمول لهم ، ندعوكم لمشاركتنا قراءته حيث يقول:
ياما تخيلت اللقا والمواعيد=واثر اللقا صدفه بلا موعد أحلى
يقبل سوات الحلم من دون تحديد=وهبه من الله صاحب الفضل الاعلى
سحابةٍ تمطر على ضامي البيد=منها الخواطر بعد الاكدار تسلا
فيها كما همس العتب والتناهيد=ولهفة تنسي بعضنا قولة اهلا
قلبي يكبر مثل تكبيرة العيد=والنفس من حلو الصواديف جذلا
كن الدروب اشتاقت لسيد الغيد=وكن الخطا من كاس الافراح ثملا
لكن عقارب ساعتي يومي بعيد=تمشي الهوينا وش بها اليوم عجلا
ياحظ دامك قمت واقف بلا قيد=اللي يكيل بوزنة الخير يملا
حاول تبارك في هذا الوقت وتعيد=احلى الصدف لوكان ماباقي احلى