(النوار والكدري)

من قصائد الشاعر الغائب الحاضر ابراهيم النجيدي قصيدته (النوار والكدري) التي نحتفي بها وفاء له وتقديرا لشاعريته المميزة حيث يقول:
فزيت اقهويه وادنى الجمر للدله = من حامي الشوق فاحت وهو ما يدري
شفته وطارت من غصون الوله زله = خلا حناياه للنوار والكدري
او ما يلوح السبيب وقلت له خله = لا خالط الليل صبحك ينشرح صدري
الغره اللي تمر العين منهله = لا ضم ريش النعام الفوقي الحدري
في ساعهٍ ينهزع بشويش واتله = لكن عذاريب صبحه ينكشف بدري
اضمى وانا اللي قضى البارح وانا عله = واصفر عوده ويبست بالجفى سدري
يبعد ويرجع مفارق خلٍ لخله = عله إليا راح يحفظ بالبطى قدري
ويرجع يسيل غلاه ان كان يحصله = ما دام يدري ابليلٍ ينتظر بدري
وان كان طول غيابه هجرت الدله = يفوح قلبي غلن له وهو ما يدري