حاضر وغايب!

كاتبة ( ملامح صبح ) الأخت الشاعرة والكاتبة ( الخنساء الصغيرة ) تخص الصفحة وقراءها بقصيدتها الجديدة ( حاضر وغايب ) ومع شكرنا لها ندعوكم لتشاركونا قراءتها حيث تقول:
يغيب مهما يغيب ويعود ملهوف=مثل العطش يشتاق همْل السحايب!
يبعد ويقبل.. يختفي.. يدور ويشوف=يقسى ويهجر بين مقبل وهايب
يعطي سخا ويشحّ.. راكز ومخفوف=ماله شبيه ان كان حاضر وغايب
أحيان بارد/ بعض الاحيان ملقوف=واحيانا"كول" وبعض الاحيان شايب!
ودّه يكون السمع والقلب والشوف=ودّه يكون اغلى واعزّ الحبايب
شاطر بسكب الدمع في هيئة/ا/حروف=ولو يدّعي الإخلاص والصدق.. خايب
فاهم ولكن للفهيمين مكشوف=مكايده ماهي لمثلي نصايب!!