تكدر خاطري

أنا لا شفت أحد زعلان مني=تكدر خاطري ويصعب عليه
أنا ما همني من صد عني=وأسامح من يجازيني الخطيه
أنا نفسي أعيش جنبه متهني=وهو يحيا معي عيشه هنيه
أنا لا من طربت أمسيت أغني=تجسد حبي حروف ابجدية
أنا مالي من المقصد سوى أني=أسلي الروح فيها بحسن نيه
أنا للحين ما قد خاب ضني=منايه تعرفي وش صار فيه
علامك لا زعلتي رحتي عني=ولا راح الزعل رديتي ليه
أعيش بدنيتي وقلبي متعني=وروحي دائماً لأجلك وفيه
علامك يالغلا ليه ممتحني=وروحي ما نوت فعل الرديه
أبدعي اللي أوجدني وخلقني=تكون نفسك معي دايم رضيه