زمان أول

كنا من أول زمنا غير=لا كُره لا حسد لا حيره
الحب زايد على التقدير=والود يملى سما الديره
حنبل ومعرا وقُلّةْ وزير=وبقشه ومنقل وكفتيره
وعشه وقرِبَهْ ودلو وبير=وجيره ما هي كما الجيره
وفَرّقْنَا داير علينا بخير=باشياء تغني عن العيره
وهنداسه مصنوعه للتمتير=يحتاجها وقت تمتيره
والعسه لِنَّهْ بدا التصفير=يزلزل الليل تصفيره
تسمع نغم بينهم تعبير=ما بين الاثنين تشفيره
يا زين جلستنا وقت عصير=كل واحد وله تقديره
الغربي كنه نسيم امشير=والهرج ما هو عسل شيره
وقت اللزم كلنا كالطير=اللي فقد بالفضا طيره
رجال ما نعرف التقصير=الواحد يسد عن غيره
كتابنا كان له تأثير=على النشأ ياقو تأثيره
الشيخ يقرا وحنا نسير=خلفه كما القطر في سيره
العولمه ما لفتنا بخير=ما اقول الا عسى خيره
يا سمين تلبس كلبس منير=وعوده يتمكيج كما منيره
سيرة زمن تلزم التذكير=يا حلوها والله من سيره
لا بنوك كاليوم لا تبذير=ودتنا الاسهم بدحديره
- المدينة المنورة