منهوا يهاب الموت ياعزتيله

ياهل العرب آيدل عليكم فشيله
فشيلتً بانت بعد كشف الانوار
منهو يصوت. للغناء ويل ويله
يمكن يكون من الحطب داخل النار
ويا لجنة التحكيم ياهل الرذيله
يازمرة الغاوين يامجلب العار
من عند راغب لين. حتى خليله
ومن نانسي عجرم الى عبدة الطار
وش هو طلبكم والهدف والحصيله
غير الطرب والرقص هدم" للافكار
كل" معبي بالنجاسه شليله
وكل" على وجهه من ذنوبه غبار
ياأمّة الاسلام ياهل الفضيله
ياأمّة التوحيد يانسل الاخيار
غضو نظركم عن قناة" هزيله
تنتج برامجها لتوزيع الاضرار
وحطوا على الاخبار فتره قليله
شوفوا وش اللي صاير بوسط الاخبار
فالشام مابين القتيل وقتيله
اخوانكم ماتوا من كبار وصغار
حزب اليهود يشن حرب" ثقيله
ويرسل جيوشه يدعم الكلب بشار
وحنا نشوف الذل صبحً وليله
ولافيه احد ينشد عن الشام وش صار
تكفون يالسنة نبي نرتكيله
وناقف وقوف العز مع جيش الاحرار
منهوا يهاب الموت ياعزتيله
الموت واحد عند قصاف الاعمار
غيروا بجيشً للعميل وعميله
جيش" يهز قلوب الاعداء ليا غار
جيشً يولع بالنفوس الذليله
من قو فعله يصبح الدم فوار
بالعزم مابه حاجةً مستحيله
وحنا عزايمنا مع العالم كبار
الدم واحد والفصيله فصيله
والدين يجمعنا من الدار لدار
مانختلف من شعب ولا قبيله
كلن على دينه من الظالم يغار
بنعيد مجدً غاب مده طويله
بأمر الإله ندوس ساحات الاخطار
ونرفع شعار النصر فوق ونشيله
وبأقدامنا ندعس على الكلب بشار
نواف بن عميره