قصيدة “عمارات الردى ” للشاعر ” محمود ال مخلص “

ي صاحبي والوقت يكشف لك الناس
حتّى ولو عادك صغيّر ،، وتوْك
••
لي طحت ماقالت لك الناس لاباس
ولاعاد تعرف صاحبك ،، من عدوْك
••
ارفع مقامك ،، وانتبه تنزل الراس ،!
واشعق على روس الطويلات ضوْك
••
ويمناك لاترفع بها ،، رمح جسّاس
لو كانت الدنيا ،، ب ظلمك تسوْك !.
••
والرفقة اللي تلحق الصبر الافلاس !.
اغلق مساعيها ،، ويرتاح جوْك ..'
••
واعرف عمارات الردى مالها ساس
متساويٍ طيبك ل اهلها وسوْك
••
واذا خذيت ،، بسجّة العمر مرواس
حافظ على اللي باقيٍ من سموْك !.
••
وادرك طريق العز ،، والعز نبراس
واذا غضبت احذر خسارة هدوك
••
وان كان في صدرك من الهم وسواس
لاتخشر العالم ،، ب كثْرك وشوْك !.