قصيدة : “صرح التطور” للشاعرة : “تهاني التميمي”

سلام الله على الامجاد والتاريخ واحراره
سلام الله على ضايه على جيس و على شيمال
•••••
سلام الله على جلفار وشيخٍ صان جلفاره
وكل من ورثه الطيب و يورث طيبته لاجيال
•••••
نيابه عن مليك الحزم ويمينه وأنصاره
امد الود بيميني .. ويمنى الود لي مدهال
•••••
على درب المحبه جيت بشعوري وأشعاره
لدارٍ ماتعرف الا بْهلا يامرحبا تختال
•••••
لبو محمد سليل الّي وقف وقفات بتاره
ورث عزمه ورث جوده سخي مثل المطر لانثال
•••••
تباشر به قلوب الناس وتتحصن بإمطاره
مسح كفه على وجه الإماره واينعت آمال
•••••
سمو سعود صقر القاسمي بعزوم جباره
بنى صرح التطور وانحنت له ارقاب من اجلال
•••••
كبير الجاه من وصاه ابوه ..ورسن افكاره
بيمنىً ماتعرف الا تمد المسك والانفال
•••••
تثير النقع موعدها ريادة ارضه وداره
هقاوي من سرجها امتطاها عاديات ابطال
تهاني التميمي