"خادم البيتين سلمان" قصيدة للشاعر مهدي الحبابي

بسمك ابدا ياب الابراج يا الواحد لحد= يا كريم المد يا اللي تعين الصابرين
اسلك يا اللي فضايلك لي قبل وبعد=وغيث جودك يشمل الناس ياكرم الاكرمين
واسلك تحفظ وطنا من اشرار الحسد= وعز دينك واحفظ المخلصين الصادقين
وسدد اللي يصدق القول لامنه وعد= خادم البيتين سلمان مرفوع الجبين
المليك الصادق الشهم والعالم شهد= بالشجاعة لبيض الوجه والضلع المتين
واحفظ ازنوده اعضوده وليين العهد= واحفظ محمد وزير الدفاع ابنه لامين
الوزير اللي تقدم وقرر ثم هجد = وردته وردة معزي على تقوى ودين
جاوب اللي وصل صوته بعد قل الجهد= فاقدن ألامن والشعب منصاب وحزين
وجارنا نحمي جنابه ونسفه من جحد= وحن حماة الدين والجار صدق بكل حين
وعاصفة حزم المواقف بها برق ورعد= وغيثها دمر عدو اليمن في ساعتين
جيشنا وافين والشعب من عود ولد= صفهم واحد ويرسون والقاسي يلين
والسعوديه وقاداتها مجد وسعد = والشواهد بالمواقيف في كل السنين
والملك سلمان يامر وشعبه له سند= والولاء من عصر الاجداد بفعولن تبين
مهدي بن مسفر الحبابي