قصيدة للشاعر سعود الخريب

والله أني ياعيوني علي الدمع مغصوب
حدني جور الليالي وقمت أهلها
ادري ان دمعك مقدر وغالي ومحسوب
وادري ان الحزن بيح ادموعك كلها
وادري ان الدمع هم ومعاناه وذنوب
لكن ادقاق الهواجيس ساقت جلها
اشهد انه ماخدعني سواالحلم الكذوب
غرني وأحلام فكري عجزت احلها
كنت تايه واحسب ان العمر نوبه ونوب
لين شفت الشمس مالت وطرف ظلها
لي ثمان اسنين وانا علي ذيك الدروب
أتحمل جورها والحمول اشلها
والمصايب وقعها من شمال ومن جنوب
أبدعت فيني وحدب السيوف تسلها
مابقاء غير الصبر لو مسكر ومحجوب
دون بابه حاجه ماقدرت أوصلها
والجبال النايفه ما تزعزعها الهبوب
والنشاما ما يقلل غلاها قلها
سعود الخريب