قصيدة للشاعر عبدالله بن سحمان الرفيدي

إلى متى وآنا جريح الهم عايش في قلق
وأخفي طعوني وأظهر البسمه على الوجه الحزين*
وآنا شموخي..فارس جامح وعيا ما أنطلق
يصهل شموخ بداخلي والعزم مكبول اليدين*
أشوم عن بعض البشر وآميل عن درب الزلق
والشك ما يهدم ثقه بنيت على ساس اليقين*
راسي..على راسي يصبون الكلام وما أندلق
راسي صليب وهمتي عليا ولي جنب متين*
وآنا أتعوذ من شرار العالم برب الفلق
والله يصبرني ويظهر لي العلامة في الجبين*
قلوبنا شتى وحن ربي خلقنا من علق
والفايز اللي جمله ربي على دنيا ودين*
كم شارب مفتول من موس المواقيف أنحلق
وكم من صميدع صامل والسيف في حبل الوتين*
أشره على مجود سبوق الحر ويهد السلق
وإن صعبت الآريا خذا شور الغوى من راس قين*
وشلون يغلق عقله الباطن وصدره ما انغلق
وشلون يملك شوره العالم وله سمع وعين*
وأنا طليق حر لو نفسي بها كبت وقلق
عندي قناعة ثابته مجمولها في جملتين*
ماهو بأنا اللي يعصي الخالق ويرضي من خلق
أكسب رضا الخالق ولو يغضب علي العالمين