قضية الشرق للشاعر سعيد بن سعد بن عمر

قضية الشرق
قضية الشرق هذي مالها داعي = الله يعز الوطن ويعز حكّامه
عاش الوطن والملك واليا دعى الداعي =حنّا جنود الوطن والكل خدامه
الله يصون البلاد ويحفظ الراعي =ويعز دين النبي والشرع و أحكامه
كل المشاريع تمشي حسب الاوضاعي =خطة هدف مسبقه بالراي و(ا)مقامه
امن ورخا والطعام أشكال وأنواعي =اناأشهد ان البلد في خيرة أيامه
في عهد هذا الإمام العادل الواعي =يلبس ثياب الفخر والعز قدامه
في عهد أبو متعب الميمون والساعي =للخير والمعرفه والعلم والهامه
وإخوانه اللي كرام وذكرهم شاعي =ريف المواطن وللعدوان لطامه
حكامنا اللي تخلي الضد مطواعي =درع الوطن في نهار الحرب وحزامه
من تاه رأيه تدله درب الأسناعي =لفعولهم يشهد التاريخ وأقلامه
غلا وطنا نشيله بين الأضلاعي=عساه دايم بخير وترفع اعلامه
والله يبارك لنا بالمد و الصاعي =دعوة نبي الهدى والشرع واحكامه
الشاعر سعيد بن سعد بن عمر