مرثية الشاعر حامد الجذع في وفاة الشيخ عايض القنطاش "رحمه الله"

كثرالرثاء مايحيي الناس الاموات = ولايجبر الخلة على الميتيني
ولايرجع للعرب فايت فات= الا انه مواساه للفاقديني
تعبيرمن صابه من الحزن لوعات = وسنة عزا لخوانه المسلميني
ياعزتالي عقب ماقيل لي مات= الشيخ ابن قنطاش هيف السميني
الشيخ عايض درعنا كل ماجات = حوادث منها يشيب الجنيني
خسارته على بعيد وقرابات= ونا بكيت وحارب النوم عيني
قمت اذكر فعول السنافي وهيهات = انا اشهد ان ماله شبيه وقريني
نشكي على الله والبكى والمعانات = ماهي تصير الا على الطيبيني
مرحوم ياشيخ الوفاء والجمالات= عايض سليل المجد حدالسنيني
ابوحسين القرم رجل المهمات= المحزم اللي في القساء مايليني
لي جات كبرطويق ولا ابانات= سهل لها درب وجعلها تزيني
ياقو عزمه في الامور الصعيبات = وياوسع عرفه والعرب خابريني
يحسب حسابه في جميع المجالات = ووجهه لماجات المواقف مكيني
حر تعلا في طويل المنيفات = طويل باع وفيه نخوه وديني
يالله ياعالم بكل الخفيات= تغفرله وتجعل حسابه هويني
وترفع مقامه في نعيم وجنات= وتجعل كتابه ياخذه باليميني
وتجبرعزانافي زعيم البطولات= عز الرفيق وفزعة المبتليني
وتجبرعزا ال كناد واسرته بالذات = في شيخنا اللي في المواقف يبيني
وعس العوض بمكملين المسيرات =والله يوفق للمهمة حسيني
عوايد الدنيا فجايع ونكبات= ونا اشهدانها بيحت للكنيني
نرضى بحكم الله ولاعنه صدات= مانجزع وباللي كتب مومنيني
وماقدره رب البشروالسماوات= لابن ادم مكتوب له في الجبيني
الشاعر / حامد بن غانم الجذع