مرثية الشاعر هادي بن رسام في الشيخ عايض القنطاش "رحمه الله"

قصيدة رثاء في الشيخ عايض القنطاش "رحمه الله"
بديت باسم الله عزيز الجلالي =الواحد اللي عالم بالسريرة
يالله ترحمني وتلطف بحالي =ومن لا تجيره يالولي من يجيره
يالله ترحم طيبين الفعالي =عايض زبون الواجبات الكبيرة
إن قيل يالقنطاش ياهملالي =حاز الفخر والمجد في كل ديرة
شيخ رقى حتى وصل للمعالي =من لابة يوم الملاقى عسيرة
يصبر على الوقفات أول وتالي =لي هج منها اللي حباله قصيرة
يفزع ليامن الردي قال مالي =وتسمع لقولته الجموع الغفيره
يا كم سعى بالصلح بين الرجالي =علمه دروا به ساكنين الجزيرة
كم صال في ساحات عز وجالي =مقدم بني عمه قليل نظيره
فقده على كل القحاطين غالي =الله يسكنه الجنان الخضيرة
ونرضى بحكم الله في كل حالي =واللي مقدّر مايرى العبد غيره
والحمد لله بيت عزّ وعالي =بعده أخوه حسين شيخ العشيرة
من نسل حر وكره أعلى الجبالي= دربه إلى العليا وفيها مسيره
تمت وصلوا عد نبت الرمالي =على نبي سيرته خير سيره
الشاعر / هادي إبن رسام القحطاني