موقف غيَّر حياتي

أكثر المواقف اللي غيرت حياتي كانت بسبب واحد بعد فضل الله ألا وهو دعاء الوالدين، ماتتخيلون ياعيال وش أهمية الدعاء ورضا الوالدين عن الشخص، قسم بالله قولوا وماقالها فايز، يعلم الله نتألم يوم نقرا خبر في جريدة أو نسمع في مجلس عن شاب ضرب أبوه أو تلفظ على أمه، الواحد (ينهبل) مايدري مثل هذولا وين عقولهم بالله؟!
صدقوني ياشباب اللي يبغى التوفيق من الله والفلاح ويطلعون عياله يبرونه ويحبونه، يحب أمه وأبوه ويوقرهم، وقبل لاتفكر يابو الشباب إنك تصير نجم قدام الناس، فكر أول إنك تصير نجم قدم أمك وأبوك، هذا من ناحية ومن ناحية أخرى بادئ ذي بدء (تحسون إني مثقف صح هههههه)؟ أنا يوم كنت صغير كنت (أطخم) مرة وسيم، بس لعبت فيني الأنيميا حسبي الله عليها، وصاروا عيال الحارة ينادوني من خوري إلى مناحي شفتوا نهايتها كيف؟!
وأحب أقول لكم في الشهر الفضيل إن أهم (3) أشياء في الحياة طاعة الله ورسوله وبر الوالدين والاجتهاد في عمل الخير، والواحد يخليه رجال وينضبط لايلعبون عليه أصحاب الفكر الضال.. وكل عام وانتم بخير.. والمايك لكم..