ملح وأهداب

للسالفه في داخلي ملح واهداب
كتمتها واحتجت اسولف لعمري
بالذاكره عاشوا محبين واغراب
يتقاسمون عروق بالي وصدري
هزيتهم ليله وطاحولي عتاب
واستكتبوني بيت ما كان يطري
انا كسبت الشعر من فقد احباب
وانا فقدت احباب باسباب شعري
واللي جرحني قبل عامين بغياب
ما غاب وانفاسه الى اليوم عطري
يمرني وافتح له القلب والباب
وارتله تنهيده بصوت حبري
والبّس خدودي من الدمع جلباب
واعرّي البسمة على وجه ثغري
عامين دمي دم واعصابي اعصاب
الله يا ضيقي ويا وسع صبري