السﺐ في الملاعﺐ!

شفتوا البارح المعارك الكلامية اللي صارت بين لاعﺐ الاتحاد اسامة المولد ولاعﺐ الهلال الفريدي، هالكلام متعودين عليه بالملاعﺐ السعودية من ايام ملعﺐ الصبان وكرة الشراب، فكرة اللاعﺐ السعودي عن لعﺐ الكورة محتاجة تصحيح مفاهيم، وهذا دليل ان لاعبينا ماهو محتاجين بس طبيﺐ نفسي محتاجين كم طبيﺐ عشان يصحح الاغلاط اللي في مخهم من قل السنع، ايام زمان ايام ماكان المدربين سواقين تكاسي وبياعين خضرة يجون العصر ويسوون حالهم مدربين كان من ضمن خططهم انهم يصوون اللاعبين حقينهم ان يسبون لاعبين الخصم مسبات قوية مايقبلها الواحد عشان يتنرفز اللاعﺐ ويضيع التركيز، عاد تختلف المسبات من منطقة للثانية، وهذا اللي تسبﺐ في طرد زيدان يوم صفق ميترازي براسه على صدره وخلاه يرفس عشانه سﺐ اخته وامه، كثير امثله صارت في الدوري حقنا بس مانبي نعيد التعصﺐ لملاعبنا وحنا ماحنا ناقصين، المباريات لها ظروف تخلي الواحد يفقد شعوره وممكن يسوي اي شي عشان يفوز، حتى مباريات الحواري فيها شد عصﺐ ومضاربات كيف عاد لاصارت المباراه قدام الملايين من البشر، انا مدري كيف اللاعﺐ يقدر يشيل رجوله قدام الاف الناس وهي تشوف، اﷲ يعين اللاعبين، لازم نعطيهم عذر بس اللي ماله عذر هو انتشار المسبات ومداقق الروس بين اللاعبين لان هالكلام يأثر على البزارين ويخرب اخلاقهم، احسن شي انهم تصالحوا اخر المباراة عشان يفتكون من التوقيف!